Die Fraserburg Logan Toneelfees is Suid Afrika se grootste en oudste jeugdramageleentheid. Dit is opvallend ook die langslopende Afrikaanse fees wat op een plek aangebied word. Dit vind jaarliks plaas tydens die eerste week van Augustus en speel af in die ouditorium van Hoërskool Fraserburg, wat as ‘n lojale ondersteuner van die fees dien. Tydens die fees word daar ook ‘n verskil gemaak in die gemeenskap se lewens met spesifieke fokus op kinders as begunsdigdes van die “Be The Good” inisiatief. Oscar van Antwerpen, HUB van Minrom en stigter van “Be The Good” sluit by OFM se Yolanda Maartens aan en vertel oor die besonderse gebeure wat plaasvind tydens die Logan Toneelfees sowel as die Fossielpraatjies wat die publiek kan ondersteun.
Meer besonderhede beskikbaar by https://logantoneelfees.co.za/
Tydens vanjaar se Logan Toneelfees wag daar ’n unieke ervaring op jong én ou fossielliefhebbers! Sluit aan by die paleontoloog Jaco Groenewald vir boeiende fossielpraatjies en ’n uitstalling by die Hoërskool Fraserburg. Daarna kan jy self die wêreldbekende fossielvoetspore van Fraserburg gaan verken saam met Marinda op ’n begeleide uitstappie.
Opsies en kostes:
- Fossielpraatjies alleen: R55 per persoon
Tye: 08:00–08:45 | 14:00–14:45 - Fossielpraatjies én uitstappie: R100 per persoon
Tye: 08:00–10:30 | 14:00–16:30
- Kaartjies beskikbaar op Quicket onder:
Logan Toneelfees Fossil Talks of Logan Toneelfees Fossil Talks and Excursion
Meer besonderhede beskikbaar by https://logantoneelfees.co.za/
Sien die potgooi se transkripsie
Oscar van Antwerpen sluit vanoggend by my aan. Hy is van Minrom, CEO en stigter van Be The Good. Baie welkom, Oscar.
Oscar: Baie dankie, Yolanda, en baie dankie aan julle luisteraars.
Wie is Be The Good?
Be The Good is ‘n organisasie wat ons gestig het om kinders in behoeftige gemeenskappe by te staan in die winter, wanneer dit so koud is. Ons verskaf draadjies en beanies, en gee ook klere en ondersteun die voedingsprogramme. Dit is hoe ons terugploeg in die gemeenskap, en ons fokus meestal in die Noord-Kaap.
So dit is ons manier om terug te gee aan die gemeenskap, en ons fokus spesifiek op baie klein kindertjies tussen drie en sewe jaar – kinders wat nog nie eens self kan praat nie. Dis ons teikengebied.
Oscar, Fraserburg is bekend vir die Logan Toneelfees. Wat is dit, waar en wanneer?
Die Logan Toneelfees is ’n baie groot fees. Dis die voorloper op die Artika 4-fees, en dit word al vir 45 jaar deur die skool aangebied. Dit vind plaas in Fraserburg en dit begin op 31 Julie tot 2 Augustus. Verskeie skole uit die Kaap neem deel, en ek het ook vroeër die geleentheid gehad om van die meisies, soos Alelia, te sien optree – hulle het regtig die verhoog laat lewe kry.
Dis regtig wonderlik. So, dit gebeur in Fraserburg tussen 29 Julie en 2 Augustus. Daar is ook ’n webblad wat ons ontwikkel het vir die skool, en ek moedig al die luisteraars aan om gerus daar te gaan kyk: www.Logantoneelfees.co.za. Daar is Afrikaanse en Engelse weergawe beskikbaar, en daar is heerlike aktiwiteite om te doen in die omgewing.
Ek gesels met Oscar van Antwerpen, stigter van Be The Good. Ons gesels oor die inisiatief wat teruggee aan die gemeenskap, sowel as die Logan Toneelfees in Fraserburg wat binnekort plaasvind. Jy het gesê daar is nog ’n paar dinge om te doen.
Daar is ook die Fossiel-Praatjies wat tydens die fees plaasvind. Wat behels dit alles?
Dis pragtig. Dis ’n inisiatief wat al baie jare gelede begin het, met spore. Daar is ’n baie mooi oppervlak van spore waar spoorfossiele gevind word. Dis natuurlik ’n groot trekpleister vir paleontoloë.
Daar is ’n vereniging van paleontoloë, insluitend amateur-fossielkundiges en professionele paleontoloë in die area. Hulle bied die “Praatjies” aan tydens die fees. Jy kan vir Jaco gaan luister – hy gaan jou vertel van die fassinerende wêreld van fossiele en die groot dinosourusse wat eens in die Karoo voorgekom het.
Ons fossiele is baie ouer as die wat in Amerika gevind is. Dis regtig baie interessant. Hulle verduidelik vir jou presies hoe dit werk – van die kakebene tot die kopstukke.
Dis fassinerend om na ’n praatjie te luister, saam met beide Marinda en Jaco. Marinda het ook toestemming om mense uit te neem na die vlakte toe. Sy het ’n staproete wat rondom die spore loop en verduidelik aan kinders die verskillende spore wat daar te sien is.
Niemand word sommer toegelaat op die vlakte nie, maar Marinda het voorsiening gemaak daarvoor. Dis ’n pragtige inisiatief om mense beter bekend te stel aan watse ongelooflike natuurlike rykdomme ons Karoo-area het. Dis nie doodgewoon en droog nie – dis ’n rykdom van mense, van sterre-hemels, en van fossiele en historiese spore.
En dan is daar natuurlik ook die normale versnaperinge, en die toneelstukke is van baie hoë gehalte.
Ek het self al daar gaan kyk, en dit is werklik die moeite werd. Die stukke is van baie goeie gehalte, en ek dink Logan doen ’n puik werk, veral Gerrit wat saam met die gemeenskap hierdie hele ding op die planke sit. Dis regtig die moeite werd.
Ek moedig julle aan – gaan ondersteun dit.
Oscar, herhaal asseblief vir ons waar kaartjies bespreek kan word vir die Logan Toneelfees sowel as die Praatjies.
Julle kan alles vind op die Logan Toneelfees-webblad: www.logantoneelfees.co.za. Daar is inligting oor kaartjies, kontakbesonderhede van die skool, die program, en jy kan ook kaartjies bespreek vir Marinda en Jaco se fossielpraatjies.
So vat jou warm baadjie en beanie saam, vat die kinders en kom ondersteun ons. Ons het ’n hele klomp gebreide beanies en serpe ontvang as donasies van Frans Wolkeskink, en ons deel dit uit in die gemeenskappe van Sutherland en Strand-area.
